منتدى ارفاد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

طنش أولا تنتعش آخرا

2 مشترك

اذهب الى الأسفل

طنش أولا  تنتعش آخرا Empty طنش أولا تنتعش آخرا

مُساهمة من طرف waleed الأحد أبريل 13, 2008 11:17 am

أفعال الطناش التسعة عشر
عاوز تطنش و تقديها و تبقي واد مخلص شوف شويت النصايح دي و عن تجارب في بشر عملو بيها مقديين حياتهم تمام قوي و كلو اخر هنا عشان طنشوا و عاشوا الحياه طول و عرض

الطناش الاول

طنش للبنات اكييد البنات دول حاجه جامده موت بس في كلام تاني اجدع منهم عندك مثلا دينك و درستك و مستقبلك. لكن لو سعتك خلاص افشه في دماغك حوار البانات روح اتجوز اجدع. و اهم حاجه لو اتجوزت نفض لحماتك نوهائي

الطناش التاني

طنش و احلق لي نفسك اساسا و متوجعش نفوخك بحوار التلوث و الجراد والكلام ده هتلاقي نفسك ماشي اخر تمام

الطناش التالت

طنش كل الناس اللي مش طالباهم يعني اللي مقديها حسد و اللى عاوزك مصلحة عشان عربيتاك والعالم دى عشان مش هيفرئو معاك في حاجه انت واد جامد

الطناش الرابع ده موهم قوي ركز فيه

طنش حوارات المظاهرات و الكلام ده في الجامعه يعني هتغير الكون كده قضيها يا معلم اجدع

الطناش الخامس

طنش مديرك و شغلك و مشيها بنظام محدش بيموت من الجوع يعني اشتغل اه بس كده بنظام بدت الاعده في البيت او علي القهوة

الطناش السادس

-طنش لبسك يعني البس اي حاجه انت حر بس متهبلش في اللبس برضه شكلك موهم يا عم

الطناش السابع

طنش اي حاجه هتنكد عليك عيشتك يعني زي واحد صحبك عمال يعمل حركات كده اي كلام او حوارات عندك في بيتكو طنش الكلام ده عشان تعيش فريش

الطناش التامن

لو اهلك اعدو يكلموك في اي حوار مش عاجبك متعملش فيها عنتر و تجادل عشان مش هتستفاد حاجة غير انهم هيقفشو اكتر طنش و في اخر الكلام قول حاضر كلمت حاضر بتريح

الطناش التاسع ده بقي اهم حاجه

طنش حوار الفلوس عشان ده حوار فاشل هتعد تفكر فيه هتتعب و متبصش علي غيرك ياعم ارضي باللي ربنا ادهوللك متوجعش دماغك بفولان حاب ايه و علان اشتي عربية ايه عادي قديها كولو في النهاية بيتساوه. والحوار ده بزات للبنات تعد بقي تقول اصل فيفي جابت كذا و تيتي عملت كذا طنشى و عيشى عادى

الطناش العاشر

طنش لحوار المخدرات و اللي يقولك جبت بوب او صاروخ جامد قوي و الهطل ده يا عم صحتك و حرام فطنش للكلام ده كولو احسنلك

الطناش الحداشر

طنش للجرايد و الخبار كلها كلام يوجع الدماغ و بوش ناوي يضرب ميين و بن لادن ظهر فيين كلهل حوارات توجع نفوخك شوفلك فيلم اجدع تتفرج عليه

الطناش الاتناشر

طنش الكليبات اللي تجيبلك شلل مش عارف مين عملت كلب مع حصان و مين مع كلب و ده طالع ياخد دش و دي عملي سمكري نفض للمناظر دي يا عم بلا حرقة دم.

الطناش التلاتاشر

طنش شرب السجاير يعني فاكر نفسك شمشون و انت بتشربها من ورا اهللك طب استرجل و قول لي اهلك بص ياعم روح العبلك لعبة افيدللك

الطناش الاربعتاشر

طنش للسياسة يعني انت فاكر انك صلاح الدين الايوبي و خلاص هتحرر القدس اشتري دماغك يا معلم و عيش الحياة

الطناش الخماستاشر

طنش حوار انك تمشى تعاكس دي و تنح علي دي يعني لو اختك ماشيا ترضي يجرلها كده ياعم خليك راجل الجوله ادب مش اي كلام.

الطناش الستاشر

طنش كلام الناس عليك عشان من الاخر محدش بيعجبو اي حاجه و لو حبيت تريح الناس مش هتعرف فع عيش حياتك يا بوب و ما توجعش دماغك

الطناش السبعتاشر

طنش دكاترة الجامعة و ما تعملش معاهم حوارات مالهاش لزمه عشان البششر دي لو افشو عليك خلاص يا زعيم كل سنه و انت طيب هتعد طول عمرك بتدرس و منتش متخرج من الجامعة فطنش لهم و شوف مستقبلك يا باشا.

الطناش التمنتاشر

طنش الموضة اللي مالهاش لزمه يعني قشطه امشي علي الموضة بس اللي تنسبك يعني مثلا متحطليش حلق في ودنك و تقولي موضة.! ده ازاي بقي انشاء الله و لا هو اي حاجة و السلام.

الطناش التسعتاشر

طنش الطناش نفسه .....تسئلني ازاي اقولك معرفش بس طنش و السلام و كل حاجه هتبقي 100 100

شوف يا معلم لو عملت بالتسعتاشر نصيحة اللي فاتو اضمنلك هتقضى حياه اخر هنا و كلو هيعدي و هيبقي بونو و علي راي اللي قال

طنش وعيش....الحياة ما تسويش

waleed

عدد الرسائل : 95
الموقع : تل رفعت
تاريخ التسجيل : 12/03/2008

الرجوع الى أعلى الصفحة اذهب الى الأسفل

طنش أولا  تنتعش آخرا Empty حلوة

مُساهمة من طرف الوسام الأربعاء أبريل 16, 2008 11:17 am

عيشها على عماها ياعم

واذا شفت المركب عاوز يغرق اديه دفشة

وحط راسك بين الروس وقول يا قطاع الروس

والشهر اللي مافيش الك راتب فيه ما تعدش ايامو

واللي بيضربك كف اديه الخد التاني

حلوة كدا الحياة
استهبل وامشي

الوسام

عدد الرسائل : 77
العمر : 41
تاريخ التسجيل : 24/03/2008

الرجوع الى أعلى الصفحة اذهب الى الأسفل

طنش أولا  تنتعش آخرا Empty رد: طنش أولا تنتعش آخرا

مُساهمة من طرف waleed الأربعاء أبريل 16, 2008 4:54 pm

أيوه يا عم هيه الحياة بده كده
انت معاي ولا مع التانيين

waleed

عدد الرسائل : 95
الموقع : تل رفعت
تاريخ التسجيل : 12/03/2008

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى